Carcharu dyn ar ôl delio cyffuriau Dosbarth B ar strydoedd Abertawe

Mae dyn o Birmingham wedi cael ei garcharu ar ôl cael ei weld yn cymryd rhan mewn dêl cyffuriau yn Abertawe.

Cafodd Shalw Jamel, 29 oed, ei arestio gan swyddogion mewn dillad plaen o dan Adran 23 o'r Ddeddf Camddefnyddio Cyffuriau yn dilyn y digwyddiad ar St. Helen's Avenue ym mis Rhagfyr 2024.

Pan gafodd ei arestio, canfuwyd bod gan Jamel wyth bag pum gram o ganabis a dros £900 mewn arian parod yn ei feddiant. Yn dilyn ei arestiad, honnodd yn anwir i'r swyddogion ei fod yn gweithio mewn golchfa ceir gerllaw.

Ar ôl pledio'n ddieuog i fod â chyffur Dosbarth B yn ei feddiant gyda'r bwriad o'i gyflenwi, newidiodd Jamel ei ble i euog ym mis Mawrth.

Mae wedi cael ei ddedfrydu i 12 mis yn y carchar.

Dywedodd y Ditectif Ringyll Heather Southway:

“Cafodd Shalw Jamel ei ddal gan swyddogion tra roedd wrthi'n gwerthu cyffuriau Dosbarth B. Yna, penderfynodd ddweud celwydd wrth yr heddlu am sut roedd yn ennill ei arian.

“Eto, gall unrhyw un sy'n ymwneud â'r fasnach cyffuriau anghyfreithlon, sy'n amharu ar fywydau ormod o lawer yn ein cymunedau, fod yn siŵr y byddwn yn eu canfod ac mae'n debygol y byddant yn mynd i'r carchar.

“Gyda Shalw Jamel yn mynd i'r carchar, yn ffodus, mae un deliwr cyffuriau yn llai ar ein strydoedd.”