Carcharu am ymwneud â chyflenwi cyffuriau crystal meth

Mae Martin Perkins o Gaerdydd wedi cael ei garcharu am ymwneud â chyflenwi crystal meth sy'n gyffur Dosbarth A.

Cafodd y dyn 40 oed ei arestio ar ôl i swyddogion ganfod negeseuon ar liniadur yn ystod gwarant nad oedd yn gysylltiedig ag ef yn Butetown ym mis Awst y llynedd.

Roedd y rhif a anfonodd y negeseuon a'r oedd yn ymwneud â'r cyffuriau yn gysylltiedig â Perkins.

Cynhaliodd y swyddogion ymholiadau arestio yn ei gyfeiriad diweddaraf hysbys yng Ngerddi Gelli-gaer, Cathays. Pan nad oedd yno, daethpwyd o hyd i werth tua £600 o crystal meth, clorian bwyso a pharaffernalia cyffuriau eraill.

Ym mis Tachwedd 2023, cafodd Perkins ei arestio yn Swindon, gyda rhagor o crystal meth yn ei feddiant, a chafodd ei alw am gyfweliad eto yng Nghaerdydd.

Arweiniodd ymholiadau pellach y swyddogion at un o'i gyfeiriadau eraill yn Kensington, Llundain, lle cafodd mwy o gyffuriau a thystiolaeth bellach eu canfod.

Ddydd Gwener 2 Awst, 2024, plediodd Perkins yn euog yn Llys y Goron Caerdydd a chafodd ei ddedfrydu i 38 mis yn y carchar.

Dywedodd y Ditectif Gwnstabl Beth Harrison: “Mae crystal meth yn gyffur hynod gaethiwus a phrin yn Ne Cymru.

Yn ystod yr ymchwiliad, cafodd nifer o restrau ticio eu canfod a oedd yn awgrymu trosiant enfawr o arian parod yn ogystal â sail cwsmeriaid sefydledig.

“Er iddo gael ei ganfod heb fawr ddim cyffuriau anghyfreithlon yn ei feddiant, roedd modd i ni brofi lefel cyfraniad uchel Perkins yn cyflenwi a arweiniodd at ei ble euog.”