Mae dyn wedi ymddangos gerbron y llys wedi ei gyhuddo o lofruddiaeth yn dilyn digwyddiad yn Llandaf, Caerdydd, ar Noswyl Nadolig.

Lansiwyd ymchwiliad ar ôl i William Bush, 23 oed, gael ei ganfod wedi'i anafu mewn cyfeiriad ar Stryd y Capel am tua 11.30am ddydd Sul, 24 Rhagfyr.

Mewn datganiad, dywedodd ei deulu: “Yr wythnos hon, cafodd ein Will annwyl ei gymryd oddi wrthym mewn ffordd greulon ac annisgrifiadwy iawn. Roedd Will yn fab, yn frawd ac yn gariad ffyddlon, doniol a gofalgar. Rydym wedi cael ein llorio'n llwyr ac fel teulu, rydym yn gofyn i bawb barchu ein preifatrwydd yn ystod y cyfnod anodd hwn.”

Ymddangosodd Dylan Thomas, 23 oed, o Landaf, gerbron Llys Ynadon Caerdydd y bore yma ac mae wedi cael ei gadw yn y ddalfa er mwyn ymddangos gerbron Llys y Goron Caerdydd ar 2 Ionawr.

Gofynnir i dystion neu unrhyw un sydd â gwybodaeth gysylltu â Heddlu De Cymru drwy un o'r ffyrdd canlynol gan ddyfynnu 2300436163.

🗪 Sgwrs Fyw https://www.south-wales.police.uk/cy-GB/
💻 Ar-lein https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
📧 E-bost [email protected]
📞 101

Ffoniwch 999 bob amser mewn argyfwng.