Mae teulu Jamie Moreno, sydd ar goll, yn apelio am wybodaeth wrth iddynt wynebu eu trydydd Nadolig hebddo

 

Mae teulu Jamie Moreno, sydd ar goll, yn apelio am wybodaeth wrth iddynt wynebu eu trydydd Nadolig hebddo.

Gwnaeth Jamie adael ei gartref yn y Rhath, Caerdydd, o amgylch amser cinio ddydd Llun, 23 Mawrth 2020 ac fe'i gwelwyd ddiwethaf gan gyfaill yn Llanedeyrn yn hwyrach y prynhawn hwnnw.

Credir bod Jamie wedi gadael ei gartref yn The Parade rywbryd ar ôl 1.15pm a chafodd ei weld gan gyfaill o amgylch 2.45pm yn nes ymlaen y diwrnod hwnnw ar Ffordd Llanedeyrn.

Mae teledu cylch cyfyng gan ysgol gerllaw yn cadarnhau hyn fel y tro olaf iddo gael ei weld.

Roedd ei ffôn a'i waled gydag ef, ond nid yw ei gardiau banc wedi cael eu defnyddio ers y diwrnod hwnnw sy'n achosi pryder.

Mae Jamie yn tua 5ft 9 ac yn gwisgo het beanie fel arfer.

Efallai fod ganddo farf ar yr adeg yr aeth ar goll.

Mae ei deulu yn dweud fod ganddo ffordd arbennig o gerdded a fyddai'n cael ei adnabod gan y rhai a oedd yn ei adnabod.

Dywedodd Arolygydd Unigolion Coll Heddlu De Cymru, PC Andy Ryan:

“Unwaith eto mae hwn yn gyfnod anodd iawn i deulu Jamie sydd heb roi'r gorau ar obeithio cael dod o hyd iddo.
“Os ydych chi wedi gweld Jamie, neu os ydych chi'n gwybod ble mae, cysylltwch â ni.”

Gofynnir i unrhyw un sydd â gwybodaeth gysylltu â Heddlu De Cymru gan ddefnyddio un o'r rhifau cyfeirnod: 2000102586.

• Sgwrs Fyw (9am-4pm, Llun-Gwener) https://www.south-wales.police.uk/
• Y tu allan i'r oriau hyn, anfonwch DM atom ar Facebook / Twitter
• E-bost [email protected]
• 101

Mewn argyfwng, ffoniwch 999 bob amser.