Mae dau ddyn wedi cael eu carcharu yn dilyn anhrefn ffyrnig yn Stadiwm Dinas Caerdydd.

 

 

Cyfaddefodd tad a mab o Catford, Llundain i gyhuddiad o affräe ac maent wedi'u gwahardd rhag mynd i gemau pêl-droed y naill am gyfnod o wyth mlynedd a'r llall am gyfnod o chwe blynedd yn ôl-weithredol.

 

Mae dau ddyn wedi cael eu carcharu yn dilyn anhrefn ffyrnig yn y gêm bêl-droed rhwng Dinas Caerdydd a Millwall yn Stadiwm Dinas Caerdydd.

 

Cafodd Kevin Ellis, 60 oed, ei ddedfrydu i 12 mis o garchar am ei weithredoedd yn ardal cefnogwyr Millwall mewn gêm bêl-droed

 

Cafodd ei fab, Kane Ellis, 20 oed, ei ddedfrydu i naw mis mewn sefydliad i droseddwyr ifanc.

 

Cyfaddefodd y ddau ddyn o Catford, Llundain i gyhuddiad o affräe ac maent wedi'u gwahardd rhag mynd i gemau pêl-droed y naill am gyfnod o wyth mlynedd a'r llall am gyfnod o chwe blynedd yn ôl eu trefn.

 

Cyfaddefodd pum cefnogwr arall Clwb Pêl-droed Millwall - Cory Ellis, 19 oed, Conor Barton, 33 oed, Joe Down, 35 oed, Darren Grieveson, 47 oed a Mitchell Wilcox, 21 oed - i gyhuddiad o affräe a rhoddwyd chwe mis o ddedfrydau wedi'u gohirio iddynt.

Maent hwythau hefyd wedi'u gwahardd rhag mynd i gemau pêl-droed am gyfnod o bedair blynedd a rhaid iddynt gwblhau 180 o oriau o waith di-dâl.

 

Clywodd Llys y Goron Casnewydd ddoe (Dydd Llun, 24 Hydref) bod dau stiward wedi gofyn i Cory Ellis, cefnogwr Millwall, i beidio â gwneud ystumiau o awyren a siantio am farwolaeth Emiliano Sala yn ystod y gêm ar 21 Awst, 2021.

 

Wedi hynny, dechreuodd Cory Ellis a'i dad, Kevin Ellis, ddadlau gyda'r stiwardiaid.

 

Dangosodd deunydd fideo teledu cylch Kane Ellis, brawd Cory Ellis, yn gwthio stiward i lawr grisiau concrid a Kevin Ellis yn dyrnu stiward arall 11 gwaith.

 

Brysiodd nifer o gefnogwyr yr ymwelwyr draw gan wthio stiwardiaid i'r llawr - disgynnodd rhai i lawr grisiau concrid serth a dros resi o seddi.

 

Dywedodd y Ditectif Arolygydd Michael Greaves o Heddlu De Cymru: “Ni fydd Heddlu De Cymru yn goddef unrhyw fath o drais neu gamdrin yn erbyn stiwardiaid sydd, yn y bôn, yn weision cyhoeddus ac yn gweithio'n galed i gadw Stadiwm Dinas Caerdydd yn lle diogel i bawb.

 

"Mae'r mwyafrif helaeth o gefnogwyr yr ymwelwyr a ddaw i Stadiwm Dinas Caerdydd yn ymddwyn yn dda ac yn frwd iawn dros eu clybiau, ac yn sicr roedd y cefnogwyr cartref a'r ymwelwyr mewn sioc yn sgil y digwyddiad hwn.

 

"Lle ceir tystiolaeth o anrhefn neu drais yn gysylltiedig â phêl-droed, rydym bob amser yn ceisio erlyn y rheini sy'n gyfrifol er mwyn cymryd y camau priodol."