Tri dyn o Trelái wedi'u carcharu am droseddau yn ymwneud â chyffuriau

 

Ym mis Ionawr 2021, gweithredodd swyddogion warant chwilio mewn cyfeiriad yn Nhrelái.

Cafodd Sambou Kassama, 25, ac Iuan Mills, 21, y ddau o Drelái, eu harestio am feddu ar gocên crac, heroin a chanabis gyda'r bwriad o'u cyflenwi. Cafodd trydydd dyn, Lewis Williams, 19 o Drelái, ei arestio mewn cysylltiad â hyn yn ddiweddarach.

Roedd yr ymchwiliad i Kassama hefyd yn cynnwys digwyddiad ym mis Ionawr 2021 mewn cyfeiriad yn Nhrelái, lle y daeth swyddogion o hyd i gyffuriau dosbarth A a ffonau symudol.

Plediodd Mills a William yn euog a chawsant eu dedfrydu. Plediodd Kassama yn ddieuog a chafodd ei ddedfrydu ar ôl treial.

Rhoddwyd y dedfrydau canlynol yn Llys y Goron Caerdydd ddydd Mercher 17 Awst:

• Kassama – pedair blynedd a chwe mis
• Mills – 40 mis yn y carchar
• Williams –  dedfryd o ddwy flynedd wedi'i gohirio am 18 mis

Anogir unrhyw un sydd ag amheuon neu wybodaeth am gyflenwi cyffuriau anghyfreithlon i gysylltu â Heddlu De Cymru.

Rhowch wybod ar-lein: Riportio trosedd | Heddlu De Cymru (south-wales.police.uk)

Fel arall, gallwch gysylltu â Crimestoppers yn ddienw ar 0800 555 111.

Mewn argyfwng, ffoniwch 999 bob amser.