Ymchwiliad i lofruddiaeth Tomasz Waga: Mae'r heddlu yn arestio dau ddyn arall
Cynnwys y prif erthygl
Cafodd y stori hon ei diweddaru ar 3 Mehefin 2021 i ddileu enwau'r unigolion nad yw'r heddlu ar eu holau mwyach.
Mae ditectifs sy'n ymchwilio i farwolaeth Tomasz Waga ar 28 Ionawr wedi arestio dau ddyn arall dan amheuaeth o'i lofruddio.
Aethpwyd â'r dynion – y mae un ohonynt yn 24 oed o Enfield yn Llundain, a'r llall yn 41 oed o'r Tyllgoed yng Nghaerdydd – i Orsaf Heddlu Bae Caerdydd lle maent yn cael eu holi.
Mae tri dyn eisoes wedi cael eu cyhuddo mewn cysylltiad â'i farwolaeth ac yn cael eu cadw yn y ddalfa nes y cynhelir achos llys.
Atafaelwyd nifer o gerbydau fel rhan o'r ymchwiliad, ond mae'r ymchwiliad bellach yn canolbwyntio ar Mercedes C200 Sport arian/llwyd, rhif cofrestru BK09 RBX.
Gwelwyd y Mercedes yng Nghaerdydd ar ddiwrnod y llofruddiaeth ond ni chafodd ei weld ers hynny. Gallai gynnwys tystiolaeth hanfodol a helpu i arwain swyddogion i'r unigolion dan amheuaeth nad ydynt wedi cael eu dal eto.
Dylai unrhyw un sydd â gwybodaeth ffonio 101 neu ddarparu gwybodaeth ar-lein drwy'r Porth Cyhoeddus Ymchwiliadau Mawr: https://mipp.police.uk/operation/62SWP21B26-PO1
Fel arall, gallwch ffonio Taclo'r Tacle yn ddienw ar 0800 555 111.