Cyfleoedd hyfforddi lleoliad haf
Mae ein rhaglen hyfforddi Lleoliad Haf yn lleoliad hyfforddi wyth wythnos â thâl. Mae hwn yn gyfle ardderchog i unigolion sy'n chwilio am leoliad i gael profiad gwaith a hyfforddiant.
Yn ystod y cyfnod hwn gall fyfyrwyr gysgodi meysydd gwahanol o'r heddlu a chael y cyfle i ennill profiad yn y sefydliad, a'r rolau gwahanol sydd ar gael, yn ogystal â'r cyfle i feithrin cydberthnasau â'r staff o fewn y sefydliad.
Gall y lleoliad hwn fod yn gyfle i:
- gwblhau dysgu academaidd ac i feithrin sgiliau a phrofiad perthnasol.
- gweld sut mae'r sefydliad yn gweithio, gan hefyd gysgodi staff i weld ai dyma'r llwybr gyrfa gywir iddyn nhw.
- rhwydweithio gyda myfyrwyr eraill ar leoliad a gweld meysydd busnes eraill ledled De Cymru.
Yn ystod y rhaglen, bydd myfyrwyr yn cael y cyfle i ymgymryd â'r canlynol:
- Dysgu rhyngweithiol: Cymryd rhan mewn gweithgareddau ymarferol a phrosiectau go iawn.
- Arweiniad arbenigol: Dysgu o'n harweinwyr sydd â blynyddoedd o brofiad.
- Cyfleoedd i rwydweithio: Cysylltu â chyfoedion tebyg o gefndiroedd amrywiol.
Mae'r cyfleoedd sydd ar gael yn cynnwys:
- Yr Adran Diogelwch Cymunedol
- Cydraddoldeb Amrywiaeth a Chynhwysiant
- Gweithredu Cadarnhaol
- Adnoddau Dynol
- Swyddfa Comisiynydd yr Heddlu a Throseddu
- Gwasanaethau Corfforaethol
- Fforenseg
- Uned Rheoli Tystiolaeth
Bydd y rhan fwyaf o'n cyfleoedd Lleoliad Haf wedi'u lleoli yn ein Pencadlys ym Mhen-y-bont ar Ogwr. Fodd bynnag, bydd un cyfle wedi'i lleoli ymhob un o'r Unedau Rheoli Sylfaenol canlynol:
- Abertawe a Chastell-nedd Port Talbot
- Caerdydd a Bro Morgannwg
- Morgannwg Ganol (Rhondda Cynon Taf, Merthyr Tudful, Pen-y-bont ar Ogwr)
Rydym am sicrhau mai ni yw'r gorau am ddeall ac ymateb i anghenion ein cymunedau. Er mwyn gwneud hyn rhaid i ni gael yr ymgeiswyr gorau o gefndiroedd amrywiol i wneud cais i ddod yn rhan o'n teulu plismona.
Mae cael gwir wahaniaeth yn ein teulu heddlu yn sicrhau safbwyntiau gwahanol ac yn ein helpu ni i ddeall ein cymunedau yn well. Drwy wneud hynny, gallwn arloesi ac ymateb i anghenion ein cymdeithas sy'n newid yn barhaus.
Am ragor o wybodaeth, e-bostiwch [email protected]