Cyfleoedd Prentisiaethau

Ydych chi'n chwilio am yrfa heb ei hail? Ydw! Yna efallai mai Prentisiaeth Staff Heddlu De Cymru yw'r lle perffaith i ddechrau eich gyrfa mewn proffesiwn lle mae pob diwrnod yn wahanol.

Mae Heddlu De Cymru yn falch o gyhoeddi'r cyfleoedd Staff Heddlu canlynol fel rhan o raglen brentisiaeth 2023-2025.

• Prentis Cydraddoldeb, Amrywiaeth a Chynhwysiant
• Prentis Technoleg Gwybodaeth a Chyfathrebu (TGCh)
• Prentis Desg Gymorth
• Prentis Dysgu a Datblygu
• Prentis Adnoddau Dynol
• Prentis Caffael

Bydd y rolau hyn ar agor ar gyfer ceisiadau yn ystod gwanwyn 2023. Os hoffech gael hysbysiad pan fyddant yn agor, anfonwch e-bost at [email protected]

Rydym yn cynnal sesiwn ar-lein sy'n benodol ar gyfer y ffurflen cais am brentisiaeth. Mae croeso i unrhyw un sy'n awyddus i wneud cais i raglen Prentisiaethau Heddlu De Cymru ymuno â ni #Ymunwchâni. Gallwch gofrestru ar gyfer y digwyddiad hwn yma. 

Os na allwch fynychu gallwn ddarparu canllawiau ysgrifenedig ar y ffurflenni hyn. E-bostiwch y tîm Gweithredu Cadarnhaol i ddysgu mwy.

Dysgwch fwy am y cyfle hwn

Drwy ymuno â #TîmHDC byddwch yn gweithio mewn heddlu blaenllaw, lle bydd cyfle i chi gyfrannu syniadau newydd a gweithio i wneud gwahaniaeth mewn cymdeithas.

Mae Rhaglen Brentisiaeth Heddlu De Cymru yn gyfle ardderchog i chi os ydych yn awyddus i ddatblygu eich sgiliau gwaith yn ogystal ag ennill cymhwyster academaidd. Mae'r cyfle hwn yn gweddu i bobl sy'n dechrau eu gyrfa yn ogystal â'r rheini sy'n awyddus i newid gyrfa.

Bydd dod yn rhan o #TîmHDC yn cynnig profiad dysgu unigryw i chi lle byddwch yn cyfrannu at brosiectau bywyd go iawn mewn amgylchedd cymhleth ac amrywiol. Rydym yn gwerthfawrogi unigolrwydd ac yn annog syniadau newydd a chreadigrwydd a fydd yn cyfrannu at ein llwyddiant fel heddlu ac yn gwneud gwahaniaeth mewn cymdeithas. Rydym yn chwilio am bobl sydd â sgiliau a phrofiadau amrywiol sy'n arloesol, yn frwdfrydig, yn uchelgeisiol ac, yn fwy na dim, yn unigolion talentog sy'n dyheu am fod yn arweinwyr y dyfodol ac yn awyddus i ymuno â'n tîm llwyddiannus.

Rhaglen â thâl yw'r rhaglen brentisiaeth, ac fe'i cynhelir am gyfnod o 12 - 18 mis (yn ddibynnol ar fodloni gofynion y cymhwyster) gan ddechrau ym mis Medi. Mae'n brentisiaeth lefel 3 a bydd disgwyl i chi gwblhau cymhwyster Lefel 3 ochr yn ochr â'ch gwaith gyda Heddlu De Cymru. Byddwch yn cael eich cefnogi drwy'r cwrs gan diwtor o'r coleg a gan eich tîm yn y gweithle. Ar ddiwedd y cymhwyster, byddwch yn gallu gwneud cais am rôl barhaol yn Heddlu De Cymru.

Mae buddiannau niferus i weithio i Heddlu De Cymru, o gyfleoedd dysgu a datblygu i gynlluniau sy'n anelu at wella eich ffordd o fyw a'ch llesiant, yn ogystal â Chynllun Pensiwn Llywodraeth Leol / Cynlluniau Pensiwn yr Heddlu hael, gwyliau blynyddol â thâl, gweithio hyblyg a pholisïau cyfeillgar i deuluoedd a llawer mwy, cliciwch yma i gael rhagor o wybodaeth.

Sylwer er mwyn bod yn gymwys ar gyfer Rhaglen Brentisiaeth HDC rhaid i chi:

• Feddu ar safon dda o addysg i lefel TGAU A-C o leiaf, yn cynnwys Mathemateg a Saesneg, neu'r gallu i ddangos sgiliau a galluoedd cyfatebol.
• Bod yn ddinesydd Prydeinig, yn ddinesydd o'r Ardal Economaidd Ewropeaidd, yn ddinesydd y Gymanwlad neu'n wladolyn tramor heb gyfyngiadau ar eich arhosiad yn y Deyrnas Unedig.
• Peidio â bod wedi cwblhau rhaglen brentisiaeth, interniaeth neu raddedig gyda Heddlu De Cymru yn flaenorol.

Anfonwch unrhyw gwestiynau at [email protected]