Adrannau Staff yr Heddlu

Mae'r tîm Adran Cysylltiadau yn gyfrifol am gyfathrebu corfforaethol mewnol ac allanol ac maent wedi'u lleoli yn ein Pencadlys ym Mhen-y-bont ar Ogwr ac yn Swyddfeydd y Wasg ar draws ardal yr heddlu. Mae'r Adran Cysylltiadau hefyd yn cynnwys ein tîm Cyfryngau sy'n datblygu ac yn cynhyrchu ffilmiau, dyluniadau, animeiddiadau ac yn tynnu lluniau. Mae'r tîm cyfathrebu a’r cyfryngau wedi'u rhannu i’r timau canlynol:

• Digidol a Chynnwys
• Treftadaeth a Newid
• Cyfathrebu Mewnol
• Marchnata ac Ymgyrchoedd
• Newyddion
• Comisiynydd yr Heddlu a Throseddu - Cyfathrebu ac Ymgysylltu â'r Cyhoedd

Mae rolau o fewn ein tîm cyfathrebu a’r cyfryngau yn cynnwys:

• Rheolwyr Digidol a Chynnwys
• Swyddogion Digidol a Chynnwys
• Uwch-swyddogion Adran Cysylltiadau
• Uwch-swyddogion Cyfryngau a Chynnwys
• Swyddogion Adran Cysylltiadau   
• Swyddogion Treftadaeth

Mae’r Adran Gwasanaethau Corfforaethol, sy'n rhan o bortffolio’r Dirprwy Brif Gwnstabl, yn darparu gwasanaeth cynghori a chymorth proffesiynol, rhagweithiol a deinamig i’r sefydliad ar draws ystod eang o feysydd busnes, megis:

• Cynllunio Busnes
• Dadansoddi Polisïau
• Rheoli Polisïau
• Archwilio ac Arolygu
• Ymgysylltu Mewnol
• Cefnogaeth i'r Prif Swyddog (Gweithredol)
• Gwelliant a Galw Parhaus
• Dadansoddi Perfformiad a Gwybodaeth Busnes

Mae rolau o fewn y Gwasanaethau Corfforaethol yn cynnwys:

• Rolau Rheoli, Swyddogion, Cefnogi Prosiect a Gweinyddu o fewn; Sicrwydd ac Arolygu, Gwybodaeth Busnes, Cynllunio a Gwella Busnes
• Dadansoddwr Perfformiad

Mae ein hadran Cyllid Corfforaethol yn gyfrifol am reoli cyllid y sefydliad, gan gynnwys llunio’r gyllideb refeniw flynyddol a chyllideb y rhaglen gyfalaf.

Mae rolau o fewn Cyllid Corfforaethol yn cynnwys:

• Prif Gyfrifydd Ariannol
• Prif Gyfrifydd Rheoli
• Gwasanaethau'r Trysorlys
• Cyfrifwyr
• Gweinyddwr Tîm

Dysgwch fwy yma

Mae’r Is-adran Gwasanaethau Digidol ar y Cyd yn cyflwyno strategaeth ddigidol ar y cyd ar draws Heddlu Gwent a Heddlu De Cymru. Mae'n galluogi'r ddau Heddlu i ddatblygu a gweithredu ffyrdd newydd o weithio a darparu plismona i'n cymunedau.

Prif ffocws y Gwasanaethau Digidol yw sicrhau ein bod yn darparu gwasanaeth plismona digidol effeithiol ar gyfer tua 9,000 o swyddogion, staff, gwirfoddolwyr a phartneriaid a thua 2 filiwn o aelodau’r cyhoedd ar draws Heddlu Gwent a Heddlu De Cymru.

Mae rolau yn ein His-adran Gwasanaethau Digidol yn cynnwys:

• Rolau Rheoli, Swyddogion, Cefnogi Prosiect a Gweinyddu o fewn; Trawsnewid, Systemau busnes, systemau gweithredol, datblygu systemau

Mae'r tîm Cymorth Gweithredol yn rhoi cymorth hanfodol i Grŵp y Prif Swyddogion.

Mae'r tîm, sy'n cynnwys Swyddogion a Staff, yn cyflawni swyddogaethau hanfodol fel y gall Prif Swyddogion reoli busnes craidd yr heddlu mewn ffordd drefnus ac effeithlon.

Mae Swyddog Staff / Swyddog Gweithredol a Chynorthwyydd Gweithredol wedi'i neilltuo i bob Prif Swyddog i'w gefnogi gyda dyletswyddau gweinyddol a gofynion tasg.

Mae rolau o fewn ein Tîm Cymorth Gweithredol yn cynnwys:

• Cymorth Gweithredol
• Swyddog Gweithredol
• Gweinyddwr Tîm

Mae swyddfeydd a gweithdy tîm rheoli'r Fflyd yn Nhŷ Richard Thomas, Pen-y-bont ar Ogwr.

Nod y tîm yw darparu gwasanaeth rhagorol, drwy roi cyngor ar bolisïau, arweiniad a chymorth gweithredol bob amser. Mae'n goruchwylio swyddogaeth weinyddol pob agwedd ar gerbydau'r heddlu; gan gynnwys prynu, prydlesu, contract hurio, nawdd, benthyciad ac unrhyw fath arall o broses caffael cerbydau, gan gynnwys asesu addasrwydd at y diben a chydlynu polisi yswiriant cerbyd yr heddlu.

Mae rolau o fewn ein tîm Fflyd yn cynnwys:

• Mecanydd
• Prentis Mecanydd
• Technegydd Symudol
• Gweinyddwr Tîm

Mae'r tîm Adnoddau Dynol yn goruchwylio'r holl weithgareddau sy'n ymwneud â'n pobl a dod â phobl newydd i mewn.

Ymhlith y meysydd y mae ein tîm Adnoddau Dynol yn eu cwmpasu mae:

• Budd a Gwobr
• Rheoli Talent
• Iechyd a diogelwch
• Prosesau Gweithredol yr adran Adnoddau Dynol
• Tîm Recriwtio'r Adran Adnoddau Dynol
• Gweithredu Cadarnhaol
• Llesiant

Mae rolau o fewn ein tîm Adnoddau Dynol yn cynnwys:

• Cynorthwyydd Gweinyddol
• Cynghorydd Adnoddau Dynol
• Partner Busnes Adnoddau Dynol
• Gweithrediadau Adnoddau Dynol
• Desg Gwasanaeth Adnoddau Dynol

Mae TGCh yn cyflawni nifer o swyddogaethau sy'n sail i fusnes craidd ar draws Heddlu De Cymru. Mae TGCh yn gyfrifol am wybodaeth y sefydliad, ei phrosesu, ei storio a’i chyflwyno i staff rheng flaen pan a ble y bydd yn ofynnol.

Mae'r adran yn ategu plismona gweithredol drwy ddarparu ystod o lwyfannau technegol.

Mae rolau o fewn ein tîm TGCh yn cynnwys:

• Peirianwyr Cymhwysiad a Systemau
• Peirianwyr Cronfeydd Data
• Datblygwyr
• Peirianwyr Cymorth Rhwydwaith
• Desg Wasanaeth TGCh
• Rheolwyr Prosiect

Mae ein Gwasanaethau Cyfreithiol ar y Cyd yn adran gydweithredol sy’n gweithio ochr yn ochr â chydweithwyr yn Heddlu Gwent. Mae’r tîm yn rhoi cyngor cyfreithiol cynhwysfawr i’r Prif Gwnstabl, gan ddarparu cynrychiolaeth yn y Llys ar gyfer gwrandawiadau disgyblu, tribiwnlysoedd cyflogaeth, ymholiadau mawr, cwestau a gwrandawiadau eraill yn ôl yr angen.

Mae rolau o fewn ein Gwasanaeth Cyfreithiol ar y Cyd yn cynnwys:

• Ysgrifennydd Cyfreithiol
• Cyfreithiwr yr Heddlu
• Cyfreithiwr Iau
• Cynorthwyydd Ymgyfreitha
• Cyfreithiwr Ymgyfreithia

Mae'r Uned Ymchwilio Gwyddonol ar y Cyd yn adran gydweithredol sy'n gweithio ochr yn ochr â chydweithwyr yng Ngwent a Dyfed-Powys.  Mae'r Uned Ymchwilio Gwyddonol ar y Cyd yn cynnwys sawl adran arbenigol fel Adnabod Safleoedd Troseddau, Adnabod Olion Bysedd, Esgidiau, Cyffuriau a Delweddu Fforensig Arbenigol.

Mae rolau o fewn ein Huned Ymchwilio Gwyddonol ar y Cyd yn cynnwys:

• Ymchwilydd Troseddau Cyffredin
• Ymchwilydd Lleoliadau Troseddau
• Swyddog Olion Bysedd
• Ffotograffydd Fforensig

Mae tîm y Gwasanaethau Cyfiawnder yn gweithio mewn lleoliadau amrywiol ym mhob rhan o'r heddlu gan gefnogi Swyddogion rheng flaen, staff a phartneriaid o fewn y System Cyfiawnder Troseddol.

Mae'r tîm yn gyfrifol am amrywiaeth eang o waith strategaeth/polisi ac mae'n darparu cymorth swyddogaethol i Heddlu De Cymru drwy; rheoli tystiolaeth, gofalu am dystion, adnabod, trawsgrifio cyfweliadau a chefnogi'r broses Rheoli Troseddwyr Integredig.

Mae rolau o fewn ein tîm Gwasanaethau Cyfiawnder yn cynnwys:

• Swyddog Gofal Tystion
• Swyddog Cymorth Prosiect
• Trawsgrifydd Cyfweliadau

Mae dysgu a datblygu yn un o swyddogaethau craidd rheoli adnoddau dynol. Prif swyddogaeth y tîm yw meithrin sgiliau a gwybodaeth gweithwyr o fewn y sefydliad, gan arwain at well perfformiad.

Mae rolau o fewn ein tîm Dysgu a datblygu yn cynnwys:

• Rheolwr Arweinyddiaeth a Thalent
• Pennaeth Dysgu a Pherfformiad
• LDS HELPDESK
• Gweinyddwr Tîm
• Dylunio a Datblygu

Nod yr Adran Safonau Proffesiynol yw lleihau honiadau o gamymddwyn a chwynion gan y cyhoedd drwy wella perfformiad staff a chodi safonau ymddygiad.

Mae'r adran yn goruchwylio'r gwaith o reoli cwynion cyhoeddus, ymddygiad mewnol ac achosion disgyblu. Mae hefyd yn ymgorffori dysgu a gwelliant a nodwyd yn ei achosion.

Mae rolau yn ein Hadran Safonau Proffesiynol yn cynnwys:

• Ymchwilwyr
• Gweithwyr achos
• Ymgynghorwyr y Gwasanaeth Cwynion
• Gweinyddwr Tîm
• Ymchwilwyr Fetio

Mae’r Gwasanaethau Cymorth Gweithredol yn cefnogi Gweithrediadau Arbenigol, Cynllunio’r Heddlu, Gwasanaethau’r Ddalfa a’r Ganolfan Gwasanaethau Cyhoeddus.

Mae rolau o fewn ein tîm Gwasanaethau Cymorth Gweithredol yn cynnwys:

• Rheolwr Cymorth Busnes Gweithredol
• Swyddog Plismona'r Ffyrdd
• Rheolwr y Swyddfa Docynnau Ganolog
• Arweinydd Tîm Cymorth Busnes Gweithredol
• Gwneuthurwr Penderfyniadau Penodedig

Rhybuddion ac Euogfarnau

Mae'n bosibl y byddwch yn gymwys i ymuno â'r heddlu o hyd os bydd gennych fân rybuddion/euogfarnau, ond bydd rhai troseddau ac amodau yn eich gwneud yn anghymwys. Mae hyn yn cynnwys unrhyw un sydd wedi cael rhybudd ffurfiol yn ystod y pum mlynedd diwethaf, neu sydd wedi cyflawni trosedd dreisgar neu drosedd trefn gyhoeddus.

 

Dinasyddiaeth/Byw yn y DU

Rhaid i chi fod yn ddinesydd Prydeinig, dinesydd o'r Ardal Economaidd Ewropeaidd, dinesydd y Gymanwlad neu'n wladolyn tramor heb gyfyngiadau ar eich arhosiad yn y Deyrnas Unedig. 

Mae gofynion preswylio hefyd ar waith yn ddibynnol ar y lefel fetio sy'n gysylltiedig â'r rôl rydych wedi gwneud cais amdani. Ar gyfer rolau lefel 'RV', rhaid eich bod wedi bod yn byw'n barhaus yn y DU am gyfnod o dair blynedd yn union cyn gwneud cais. Ar gyfer rolau lefel 'MV', rhaid eich bod wedi bod yn byw'n barhaus yn y DU am gyfnod o bum blynedd yn union cyn gwneud cais.

Mae hyn er mwyn bodloni'r gofyniad i fetio pob ymgeisydd mewn modd teg ac nid oes gan wasanaeth Heddlu'r DU ar hyn o bryd unrhyw ffordd o hwyluso profion fetio dramor i'r un graddau sy'n angenrheidiol ar gyfer y rheini sydd wedi bod yn byw yn y DU. Ni allwn benodi ymgeiswyr nad ydynt wedi cael eu fetio.

 

Statws Ariannol

Caiff statws ariannol pob ymgeisydd ei gadarnhau. Mae'r gwiriadau hyn yn cael eu cynnal oherwydd bod gan staff yr Heddlu fynediad at wybodaeth freintiedig, a allai eu gwneud yn agored i lygredd. Gwrthodir unrhyw ymgeiswyr y mae ganddynt ddyfarniadau Llys Sirol cyfredol yn eu herbyn, neu sydd wedi'u cofrestru'n fethdalwyr â dyledion heb eu talu. Os bydd gennych ddyledion methdalu sydd wedi'u gollwng, yna bydd angen i chi ddarparu Tystysgrif Boddhad gyda'ch cais. Ni chaiff ymgeiswyr sy'n destun Trefniant Gwirfoddol Unigol (IVA) cyfredol eu hystyried.

 

Ymlyniad wrth Blaid

Mae gan Heddlu De Cymru bolisi o wahardd unrhyw un o'n swyddogion rhag bod yn aelodau o Blaid Genedlaethol Prydain, neu sefydliad tebyg y gall ei nodau, ei amcanion neu ei ddatganiadau fod yn groes i'r dyletswyddau i hyrwyddo cydraddoldeb hiliol. Os ydych yn aelod o Blaid Genedlaethol Prydain neu wedi bod yn rhan ohoni yn flaenorol, mae'n bosibl y caiff eich cais ei wrthod.

 

Tatŵau

Bydd ymgeiswyr â thatŵau gweladwy yn gymwys i gael eu penodi o bosibl.
Caiff pob achos ei ystyried yn unigol, gan ystyried nifer, natur, maint, amlygrwydd, ymddangosiad a lleoliad y tatŵau. Ni ddylai'r tatŵau fod yn dramgwyddus i gydweithwyr nac aelodau o'r cyhoedd nac ychwaith danseilio urddas eich rôl yn yr Heddlu. Caiff tatŵau ar y gwddf, yr wyneb neu'r dwylo eu hystyried yn annerbyniol o hyd, ond mae'n bosibl y rhoddir ystyriaeth o dan rai amgylchiadau, o ystyried maint, natur, ac amlygrwydd y tatŵ. Os bydd ymgeiswyr yn dewis cael unrhyw datŵau ychwanegol yn ystod y broses recriwtio, ar ôl cwblhau'r gwiriadau cymhwysedd, yna mae ganddynt gyfrifoldeb i roi gwybod i'r Adran Adnoddau Dynol a rhoi ffotograffau addas y bydd angen eu harchwilio.

 

Ymwadiad cymhwysedd

Mae gonestrwydd yn hollbwysig bob amser yn ystod y broses recriwtio. Mae'n hanfodol eich bod yn datgan yr holl wybodaeth berthnasol i ni yn ystod y cam ymgeisio a chamau fetio'r broses. Byddwn yn gofyn cwestiynau i chi ond dylech hefyd ddweud unrhyw beth arall y credwch allai effeithio ar eich addasrwydd i'r rôl. Rhaid i chi hefyd hysbysu'r tîm recriwtio sy'n goruchwylio eich rôl am unrhyw newid mewn amgylchiadau yn ystod eich proses ymgeisio. Cliciwch yma i gael eu gwybodaeth gyswllt.

Mae’n bwysig gwybod nad yw llawer o amgylchiadau personol o reidrwydd yn eich atal rhag bod yn gymwys i ymuno. Fodd bynnag, os na fyddwch yn datgelu gwybodaeth berthnasol, mae’n rhaid i ni ystyried hyn fel hepgoriad bwriadol a'ch bod wedi ceisio cuddio’r wybodaeth honno oddi wrthym. Os gwnewch hyn caiff ei drin fel diffyg gonestrwydd ac uniondeb a fydd yn effeithio arnoch mewn ceisiadau yn y dyfodol. Os hoffech drafod eich amgylchiadau cyn gwneud cais, anfonwch e-bost at [email protected].