Y Rôl

Mae amrywiaeth a phrofiadau gwahanol y Gwnstabliaeth Wirfoddol yn helpu gwasanaeth yr heddlu i gynrychioli'r cymunedau a wasanaethir. Byddwch yn gweithio ochr yn ochr â swyddogion llawn amser, ac yn gwisgo yr un wisg â nhw (heblaw am yr ysgwyddarnau wedi'u marcio fel SC (Cwnstabl Gwirfoddol), a byddwch yn gallu gyrru cerbydau'r heddlu.

Os byddwch yn cael eich recriwtio'n llwyddiannus, byddwch yn cael hyfforddiant ffurfiol. Bydd manylion y cwrs yn cael eu cwblhau cyn eich dyddiad dechrau a bydd yn cynnwys rhai sesiynau hyfforddiant gyda'r nos ac ar benwythnosau yn achlysurol. Bydd eich penodiad ar gyfnod prawf am ddwy flynedd, ac yn ystod y cyfnod hwnnw bydd angen i chi gwblhau pob elfen o'ch hyfforddiant a'ch ardystio i batrolio'n annibynnol.

Yn y sesiynau hyfforddiant byddwch yn cael dealltwriaeth dda o sawl agwedd ar blismona. Byddwch yn dysgu am:

• Gwasanaeth yr heddlu a dyletswyddau swyddog heddlu
• Pwerau i arestio
• Troseddau cyffredin
• Sut i baratoi tystiolaeth ar gyfer y llys
• Technegau hunanamddiffyn
• Cymorth Cyntaf Brys

Mae gennym ymrwymiad cryf i gydraddoldeb ac amrywiaeth yn y sefydliad ac yn y gwasanaeth a ddarperir gennym. Ein nod yw hyrwyddo a chyflawni gweithlu cwbl gynhwysol i adlewyrchu'r cymunedau rydym yn eu gwasanaethu. Mae Heddlu De Cymru yn croesawu'n benodol ymgeiswyr o grwpiau sydd wedi'u tangynrychioli.

Mae Heddlu De Cymru yn falch o weithio o dan fenter gweithredu cadarnhaol i gefnogi'r rheini o grwpiau sydd wedi'u tangynrychioli. Os ydych yn dod o gefndir amrywiol a bod gennych ddiddordeb mewn ymuno â ni, cysylltwch â'n Tîm Gweithlu Cynrychioliadol.