Digwyddiadau a Phwyntiau Cyswllt
Rydym yn gobeithio eich bod wedi gallu dod o hyd i'r wybodaeth sydd ei hangen arnoch ar ein gwefan i'ch helpu i ddilyn gyrfa mewn plismona. Fodd bynnag, os hoffech drafod unrhyw beth wyneb yn wyneb â ni, bydd ein tîm Gweithredu Cadarnhaol yn bresennol yn y digwyddiadau canlynol ledled de Cymru. Dewch i ddweud helo ac i ofyn i ni beth yw'r camau nesaf y dylech eu cymryd er mwyn dilyn gyrfa gyda Heddlu De Cymru.
Nodwch, os nad oes digwyddiadau wedi'u rhestru isod, yn anffodus nid ydym wedi trefnu i fynychu unrhyw ddigwyddiadau sy'n agored i'r cyhoedd. Os oes gennych unrhyw gwestiynau gallwch gysylltu â'r tîm perthnasol gan ddefnyddio'r manylion isod.
Digwyddiadau
Yn ogystal â'r digwyddiadau hyn, mae ein timau hefyd yn mynychu nifer o ddigwyddiadau a gynhelir gan ysgolion, colegau a phrifysgolion ledled de Cymru. Holwch eich darparwr addysg am y digwyddiadau sy'n cael eu cynnal yn fuan. Os hoffech i'n tîm gynnal cyflwyniad yn eich sefydliad addysg, cysylltwch â ni drwy ddefnyddio'r wybodaeth isod.
Digwyddiadau ymgyfarwyddo
Diben ein digwyddiadau ymgyfarwyddo yw meithrin eich dealltwriaeth o'r prosesau a'r disgwyliadau sy'n gysylltiedig â'r broses recriwtio a hyfforddi ar gyfer ein rolau mewn lifrai craidd.
Yn ystod y sesiynau hyn, rydym yn gwahodd aelodau allweddol o'n hadran Adnoddau Dynol i drafod y broses ymgeisio a chymhwysedd yn ogystal â Swyddogion yr Heddlu a Staff yr Heddlu er mwyn rhoi syniad i chi o'u gwaith o ddydd i ddydd. Bydd cyfle i ofyn cwestiynau i aelodau o'r heddlu a dysgu mwy am gyfleoedd recriwtio, llwybrau mynediad a gofynion hyfforddi.
Digwyddiad Ymgyfarwyddo TGCh
Cysylltu â ni
Mae nifer o'n timau yn gweithio gartref o hyd felly dylech anfon eich ymholiad drwy e-bost i ddechrau:
Recriwtio Swyddogion yr Heddlu (gan gynnwys drwy'r Rhaglen Garlam i Rôl Ditectif a'r rhaglen Cyn Ymuno)
E-bost: [email protected]
Recriwtio Swyddogion Cymorth Cymunedol yr Heddlu a Chwnstabliaid Gwirfoddol
E-bost: [email protected]
Recriwtio Staff yr Heddlu
E-bost: [email protected]
Cymorth Gweithredu Cadarnhaol
E-bost: [email protected]
Dylid anfon unrhyw ymholiadau cyffredinol drwy e-bost i: [email protected] neu os hoffech siarad ag aelod o'r tîm recriwtio, ffoniwch: 01656 869225.
