Addasiadau ac ystyriaethau rhesymol

Mae addasiadau rhesymol yn geisiadau sy'n ymwneud ag anabledd. Mae’r rhain ar gyfer ymgeiswyr a all brofi bod ganddynt unrhyw fath o anabledd, fel y’i diffinnir gan Ddeddf Cydraddoldeb 2010. Mae hyn yn cynnwys ymgeiswyr sydd â chyflwr niwroamrywiaeth megis dyslecsia.

Mae ystyriaethau yn geisiadau nad ydynt yn ymwneud ag anabledd. Gall ymgeiswyr sydd â chyflyrau sydd y tu allan i ddiffiniad Deddf Cydraddoldeb 2010 o anabledd, e.e. cyflyrau tymor byr a/neu nad ydynt yn cael effaith andwyol sylweddol ar weithgareddau o ddydd i ddydd yr ymgeisydd, fod yn gymwys i wneud cais am ystyriaeth.

Gallwn gymeradwyo addasiadau neu ystyriaethau rhesymol yn ein canolfannau asesu a chyfweliadau ar gyfer ymgeiswyr a all ddarparu tystiolaeth addas.

Mae'n bwysig bod ymgeiswyr yn ystyried a hoffent ofyn am drefniadau a fydd yn eu helpu i gwblhau elfennau o'r broses recriwtio. Gallai hyn fod mewn perthynas ag anabledd, niwroamrywiaeth, beichiogrwydd, menopos, anaf, crefydd neu gred ac ati.

Caiff addasiadau/ystyriaethau eu trafod yn unigol, yn seiliedig ar eich amgylchiadau a'r dystiolaeth a ddarperir gennych. Gellir cynnig addasiadau/ystyriaethau i gefnogi ystod o amgylchiadau unigol. Gall enghreifftiau o drefniadau y gellir eu darparu gynnwys:

• cynnal cyfweliadau mewn ystafelloedd ar lawr gwaelod yn unig,
• lwfansau i unigolion sy’n feichiog i aros mewn cronfeydd recriwtio nes eu bod yn teimlo y gallant barhau yn y broses recriwtio (rolau gweithredol),
• darparu amser ychwanegol i unigolion â dyslecsia.

Os hoffech ofyn am drefniadau i gael cymorth neu wybodaeth bellach, cysylltwch â'n Tîm Recriwtio Adnoddau Dynol. Y dyddiad cau ar gyfer gwneud cais am addasiad neu ystyriaeth resymol yw'r dyddiad cau ar gyfer eich cais am swydd neu ar gyfer ymgeiswyr mewnol sy'n sefyll arholiadau, sef y dyddiad cau ar gyfer cofrestru eich arholiad penodol. Ni ellir gwarantu y bydd unrhyw geisiadau a gyflwynir ar ôl y dyddiad hwn yn cael eu prosesu a'u rhoi ar waith.

Caiff unrhyw geisiadau cyswllt neu wybodaeth a dderbynnir sy'n ymwneud ag addasiadau ac ystyriaethau rhesymol eu trin yn gwbl gyfrinachol.

Os bydd angen i chi gael ein gwybodaeth cydraddoldeb mewn fformat arall, cysylltwch â ni i ofyn amdani neu i drafod eich anghenion.

Er mwyn cysylltu, e-bostiwch [email protected] neu ffoniwch 01656 869225.