Bwrsariaeth PPD Heddlu De Cymru
Mae Heddlu De Cymru yn falch o lansio Bwrsariaeth Gradd Plismona Proffesiynol (PPD) Heddlu De Cymru i annog mwy o geisiadau gan grwpiau heb gynrychiolaeth ddigonol a gwneud Heddlu De Cymru yn gynrychioliadol o'r gymuned a wasanaethir ganddo.
Mae Bwrsariaeth PPD Heddlu De Cymru yn cynnig hyd at £4,000 er mwyn talu am y broses cyn gwneud cais, astudio ym mlynyddoedd 1-3 ar gwrs Gradd Plismona Proffesiynol mewn un o'r Prifysgolion a enwir o fewn y Cylch Gorchwyl ac yna'r cais i Heddlu De Cymru.
Gwasanaethir poblogaeth leol o oddeutu 1.3 miliwn o bobl gan Heddlu De Cymru, gyda 6.7% ohonynt o gefndiroedd Du, Asiaidd neu Ethnig Leiafrifol. Fodd bynnag, 3.5% yn unig o'n swyddogion heddlu sydd o gefndiroedd ethnig lleiafrifol a 2.9% yw'r gynrychiolaeth ar draws yr heddlu. Rydym yn gweithio i fynd i'r afael â'r tangynrychiolaeth hwn er mwyn i ni allu gwasanaethu ein cymunedau amrywiol yn well.
Er mwyn mynd i'r afael â'r tangynrychiolaeth hwn, mae Heddlu De Cymru yn gweithio gyda'r prifysgolion lleol yng Nghymru sy'n cyflwyno'r cwrs Gradd Plismona Proffesiynol a bydd yn ariannu cynllun bwrsariaeth ar gyfer myfyrwyr ethnig lleiafrifol ar y cwrs PPD fel rhan o fenter gweithredu cadarnhaol. Dysgwch fwy am y ffordd rydym yn gweithio i sicrhau Gweithlu Cynrychioladol.
Meini Prawf y Bwrsariaeth
Er mwyn i unrhyw fyfyriwr gael ei dderbyn ar Gynllun Bwrsariaeth PPD Heddlu De Cymru, mae'n rhaid iddo:
- Fod o gefndir Du, Asiaidd neu Ethnig Leiafrifol
- Bod yn fyfyriwr cofrestredig neu'n astudio tuag at y Radd mewn Plismona Proffesiynol yn un o'r prifysgolion canlynol:
Prifysgol Cymru y Drindod Dewi Sant (PCyDDS)
Prifysgol De Cymru (PDC)
Prifysgol Metropolitan Caerdydd - Cyrraedd y meini prawf cymhwysedd gofynnol i ymuno â gwasanaeth yr heddlu fel Cwnstabl Heddlu. Gellir dod o hyd i'r rhain yn y Cylch Gorchwyl isod, ac ar ein tudalen Swyddog yr Heddlu.
Gwneud cais am y bwrsariaeth
Nid ydym yn derbyn ceisiadau ar hyn o bryd.
Rydym yn croesawu ceisiadau o ddechrau mis Mehefin hyd at ddiwedd mis Medi pob blwyddyn.
Anfonwch unrhyw gwestiynau yn uniongyrchol at [email protected]
