Ymddiriedolaeth Ieuenctid Heddlu De Cymru
Elusen yw Ymddiriedolaeth Ieuenctid Heddlu De Cymru sy’n cynnig grantiau i sefydliadau a phrosiectau sy’n cynnig llwybr arall i bobl ifanc yn hytrach na chael eu denu at drosedd, ymddygiad gwrthgymdeithasol a chamddefnyddio sylweddau. Ei nod yw bod y bobl ifanc hynny sydd wedi profi’r system cyfiawnder troseddol yn cael y cyfle i adeiladu’r sylfeini i wneud dewisiadau bywyd mwy cadarnhaol, cael perthnasoedd gwell a lles meddyliol a chorfforol gwell.
Fideos Prosiect
Sefydlwyd Cronfa Goffa Richard Taylor yn 2006 ar ôl marwolaeth Richard Taylor, sgrialwr o'r Barri. Yn 2004, bu mewn damwain ar ei ffordd i'r parc sgrialu ac, yn anffodus, collodd ei fywyd. Roedd yn 23 oed. Yn y fideo isod mae mam Richard a'i ewyrth yn sôn am waith y gronfa goffa a'r ffordd y mae arian o Ymddiriedolaeth Ieuenctid Heddlu De Cymru wedi'u helpu i gyflawni eu nod.
Dechreuodd PCSO Cherylin Pryor a PCSO Viv Mumford, ynghyd â'r Grŵp 'Dig for Health', ddarpariaeth naid i bobl ifanc yn ardaloedd Ystrad a Llwynypia ar ôl i'r darpariaethau blaenorol yn yr ardal gau.
Crëwyd y fideo hwn gan arweinwyr a phobl ifanc Rhaglen Allgymorth Cathays yng Nghaerdydd, sy'n tynnu sylw at yr hyn y maen nhw wedi gallu ei wneud â'u cyllid o Ymddiriedolaeth Ieuenctid Heddlu De Cymru.
Crëwyd y fideo hwn gan Rod Shaw, perchennog a sylfaenydd Calon y Cwm, sef darpariaeth i bobl ifanc yng Nghwm Garw, Pen-y-bont ar Ogwr. Mae'n dangos y gwahanol raglenni y maent yn eu darparu i bobl ifanc o bob oedran.
Grantiau
Gwnewch gais ar wefan Comisiynydd yr Heddlu.
Ar waelod y dudalen hon mae llyfryn gyda gwybodaeth ategol i ymgeiswyr.
Mae yna hefyd dabl am grantiau a roddwyd yn y gorffennol.
2020/21
Rhaglen Camu i'r Campau
Rhaglen ar y cyd â Phrifysgol Metropolitan Caerdydd sy'n galluogi clybiau chwaraeon yng Nghaerdydd i greu lle diogel i bobl ifanc sy'n rhan o'r System Cyfiawnder Ieuenctid ragori drwy gymryd rhan mewn chwaraeon.
Y grant mwyaf erioed, sef £20,000, gyda swm cyfatebol yn cael ei ddarparu gan Brifysgol Metropolitan Caerdydd.
Prosiect Ieuenctid a Chymuned Cathays a Chanol Caerdydd
Prosiect allgymorth i bobl ifanc sy'n byw yn Cathays a'r ardaloedd o amgylch er mwyn helpu pobl ifanc i feithrin sgiliau byw'n annibynnol a sgiliau trosglwyddadwy mewn amgylchedd diogel a chefnogol.
Dyfarnwyd £10,000.
Canolfan Ieuenctid Blaen-y-maes
Darperir cyllid er mwyn i bobl ifanc gwblhau cwrs preswyl a gweithgareddau awyr agored dros nos yn y Gŵyr, ynghyd â gweithdai ar sgiliau cymdeithasol ac emosiynol er mwyn helpu i wella eu hyder.
Dyfarnwyd £4,000.
CADDT – Ymddiriedolaeth Datblygu Corneli a'r Cylch
Roedd y grant wedi galluogi 15 o weithwyr ieuenctid i ddilyn y cwrs Lefel 2 mewn Gwaith Ieuenctid a gynhelir gan Addysg Oedolion Cymru er mwyn iddynt weithio gyda phobl ifanc 8 oed a throsodd.
Dyfarnwyd £3,000.
Afan Arts - 'Same But Different'
Cynhyrchwyd ffilm gymunedol er mwyn rhoi cyfle i tua 80 o bobl ifanc yn ardal Castell-nedd Port Talbot gymryd rhan yn y broses o gynhyrchu'r ffilm. Nod y ffilm yw helpu pobl ifanc i adnabod ymddygiad negyddol a'i ganlyniadau.
Dyfarnwyd £1,500.
-------------
Prosiect Difyrru Ieuenctid 3Gs
Gwaith ieuenctid ar y stryd gyda phobl ifanc yn eu harddegau a gweithgareddau yn ystod gwyliau'r ysgol i blant iau yn ardal y Gurnos, Merthyr Tudful.
£3000 i Ymddiriedolaeth Ddatblygu 3Gs.
Prosiect Adfywio Ieuenctid Tregatwg
Prosiect celf/adfywio ardal eistedd ar raddfa fach yn Nhregatwg, y Barri.
£3000 i Cymunedau yn Gyntaf/Gwasanaethau Ieuenctid ac eraill.
Woodlands and Us
Prosiect sy'n seiliedig ar weithgareddau awyr agored er mwyn mynd i'r afael â thanau glaswellt, Rhondda Fawr Uchaf.
£3000 i Plant y Cymoedd.
Blog fideo
Prosiect ymgysylltu sy'n canolbwyntio ar fynd i'r afael â thanau glaswellt, Rhondda Fach Uchaf.
£3000 i Cymunedau yn Gyntaf, Partneriaeth Gymunedol y Rhondda ac eraill.
Hwyl Dros Dro
Darpariaeth yn ystod gwyliau'r haf yn Aberafan, Port Talbot.
£3000 i Heddlu De Cymru a Paffio a Gweithgareddau Cymunedol Bulldogs.
Streets to Beatz
Gweithdai cerddoriaeth ac ymgysylltu yn Adamsdown, Caerdydd.
£3000 i Gwmni Buddiannau Cymunedol Gwasanaethau Ieuenctid Breakthrough Cymru.
Prosiect beiciau modur
Er mwyn ymgysylltu'n gadarnhaol â beicwyr oddi ar y ffordd ym Mhentwyn, Caerdydd.
£3000 i Heddlu De Cymru, Cyngor Dinas Caerdydd ac eraill.
Prynu cyfarpar i glwb ieuenctid
Er mwyn cefnogi gweithgarwch ymgysylltu yng Nglandŵr, Abertawe.
£1,650 i Heddlu De Cymru.
Street Beat
Allgymorth a gweithgareddau ar y stryd i bobl ifanc yn y Caerau, ym Mhen-y-bont ar Ogwr.
£3000 i Brosiect Cymunedol Noddfa.
Prosiect celf graffiti
Ymgysylltu drwy gelf ym Mharc Coffa Ynysangharad, Pontypridd.
£1500 i Heddlu De Cymru, Prosiect Ymgysylltu ag Ieuenctid, Prosiect Parc.
Cefnogi Ymddiriedolaeth Ieuenctid Heddlu De Cymru
Gallwch gefnogi gwaith yr Ymddiriedolaeth Ieuenctid a gwneud rhodd mewn nifer o ffyrdd. Gallwch wneud rhodd ar-lein drwy ein tudalen Just Giving.
Gallwch hefyd roi drwy siec, neu archeb bost. Dylid gwneud pob siec neu archeb bost yn daladwy i Ymddiriedolaeth Ieuenctid Heddlu De Cymru, a’u postio i:
Cydgysylltydd Ymddiriedolaeth Ieuenctid
Llywodraethu Corfforaethol
Pencadlys Heddlu De Cymru
Heol y Bont-faen
Pen-y-bont ar Ogwr CF31 3SU
Os hoffech gynnal digwyddiad codi arian, cysylltwch â ni:
Cydgysylltydd Ymddiriedolaeth Ieuenctid
Llywodraethu Corfforaethol
Pencadlys Heddlu De Cymru
Heol y Bont-faen
Pen-y-bont ar Ogwr CF31 3SU
Ffôn: 01656 869366
E-bost: [email protected]
Elusen Gofrestredig Rhif: 1133057
Ein hymddiriedolwyr
Mae’r Ymddiriedolaeth yn cael ei rhedeg gan grŵp o ymddiriedolwyr sy’n bobl leol. Maen nhw’n sicrhau y defnyddir yr arian yn y ffordd fwyaf effeithiol ac yn gweithio’n agos â rhoddwyr a’r cymunedau.
• Adrian Oliver, Uwch Bartner gyda Chyfreithwyr Dolmans – Cadeirydd yr Ymddiriedolwyr
• Alun Michael, Comisiynydd yr Heddlu a Throseddu De Cymru
• Jeremy Vaughan, Comisiynydd yr Heddlu a Throseddu De Cymru
• Mark Travis, Y Prif Gwnstabl Cynorthwyol, Heddlu De Cymru
• Rosaleen Moriarty-Simmonds, Cyn Uchel Siryf
• Maria K Thomas, Cyn Uchel Siryf
• Henry Gilbert, Cyn Uchel Siryf
• Anne Morgan, Cyn Uchel Siryf
• Tina Donnelly, Cyn Uchel Siryf
• Jean White, Uchel Siryf Canol Morgannwg
• Rhys James, Uchel Siryf De Morgannwg