Prif Swyddog Cyllid Umar Hussain MBE

Daeth Umar yn Gyfarwyddwr Cyllid Heddlu De Cymru ym mis Awst 2007. Mae ganddo brofiad ariannol yn y sector cyhoeddus a’r sector preifat. Mae hyn yn cynnwys 10 mlynedd o brofiad fel Pennaeth Cyllid Heddlu Gwent a thair blynedd fel Cyfarwyddwr Cyllid a Gweinyddu Heddlu Swydd Lincoln.

Mae gan Umar radd BA Anrhydedd mewn Cyfrifeg a Chyllid, a hyfforddodd fel cyfrifydd yn Llundain. Mae hefyd yn gyd-aelod o Gymdeithas y Cyfrifwyr Ardystiedig Siartredig.

Mae’n darparu arweiniad strategol, rheolaeth a chyngor ar bob mater ariannol yn yr heddlu, ac mae'n gyfrifol am Gyllid Corfforaethol, Ystadau, Cyfleusterau, Fflyd, Gwasanaethau Masnachol, Gwybodaeth a Thechnoleg yn ogystal â Gwasanaethau Digidol Trawsnewidiol.

Mae Umar yn gyn-gadeirydd Ystadau Cymru (Ystadau Sector Cyhoeddus Cymru), mae wedi bod yn llywodraethwr ac yn Gadeirydd Pwyllgor Archwilio Prifysgol Metropolitan Caerdydd, mae'n aelod o bwyllgor cyllid Cyngor Cenedlaethol Prif Gwnstabliaid yr Heddlu ac yn gadeirydd Bwrdd Caffael Cymru Gyfan.

Mae'n cyfrannu'n helaeth at y rhaglen cydweithredu heddluoedd, yn gweithredu fel arweinydd rhanbarthol yr heddlu ar gyfer Cyllid, Ystadau a Chaffael yng Nghymru ac mae'n arwain y broses gydweithio rhwng yr Heddlu, y Gwasanaethau Tân a'r Gwasanaethau Ambiwlans yng Nghymru ar hyn o bryd er mwyn Galluogi Gwasanaethau.

Yn 2003, cwblhaodd Umar Gwrs Uwch-reoli'r Heddlu ac yn 2015, cafodd ei gydnabod yn rhestr Anrhydeddau Pen-blwydd y Frenhines, gan dderbyn MBE. Yn 2017, cwblhaodd Umar yr Academi Arweinyddiaeth Prosiectau Mawr gydag Ysgol Fusnes Saïd ym Mhrifysgol Rhydychen.

Mae Umar wedi ymuno â Bwrdd Arweinyddiaeth Busnes yn y Gymuned ac mae'n frwd dros Gaffael a Chynaliadwyedd Moesegol lle mae cydweithio yn cynnig y cyfle gorau i wneud newid sylweddol.

Mae’n briod gyda dau o blant hŷn.