Prif Gwnstabl Cynorthwyol Dros Dro Trudi Meyrick

Ymunodd Trudi â Heddlu De Cymru yn 1999, ac mae wedi bod yn Brif Gwnstabl Cynorthwyol dros dro ar gyfer y portffolio Cymorth Gweithredol ers mis Tachwedd 2023.

Mae Trudi wedi gweithio mewn amrywiaeth o rolau gan gynnwys ymateb a phlismona lleol fel Rhingyll yn Uned Reoli Sylfaenol Abertawe Castell-nedd Port Talbot. Symudodd wedyn i Adran Diogelu'r Cyhoedd pan gafodd ei dyrchafu'n Dditectif Arolygydd yn Uned Reoli Sylfaenol Morgannwg Ganol. Yna, dychwelodd i Abertawe Castell-nedd Port Talbot i weithio yn yr Adran Ymchwiliadau Troseddol fel Ditectif Arolygydd.

Fel Ditectif Arolygydd, symudodd Trudi i rôl newydd yn y Gwasanaethau Corfforaethol ac yna i rôl yn yr Adran Dysgu a Datblygu ym mhencadlys yr heddlu.

Pan gafodd ei dyrchafu'n Uwch-arolygydd yn 2019, dychwelodd Trudi i weithio yn Uned Reoli Sylfaenol Abertawe Castell-nedd Port Talbot cyn dod yn gomander ym mis Tachwedd 2020. Ym mis Awst 2023, cafodd Trudi ei dyrchafu'n Brif Gwnstabl Cynorthwyol dros dro ar gyfer y Portffolio Troseddau Arbenigol. Ym mis Tachwedd 2023, symudodd y Prif Gwnstabl Cynorthwyol i rôl y Prif Gwnstabl Cynorthwyol ar gyfer y Portffolio Cymorth Gweithredol.

Yn ystod ei hamser rhydd, mae Trudi yn mwynhau treulio amser gyda'i theulu yn ogystal â gwneud gwaith gwirfoddol fel Dirprwy Raglaw Gorllewin Morgannwg.