Defnyddio Technoleg Adnabod Wynebau Byw

Y defnydd diweddaraf o'r Dechnoleg Adnabod Wynebau Byw

Y tro diwethaf i Heddlu De Cymru gyflwyno Technoleg Adnabod Wynebau Byw oedd yng nghanol dinas Caerdydd ar Heol y Frenhines ar 13 Awst 2022. Cafodd ei defnyddio er mwyn cefnogi rownd 7 Grand Prix Speedway FIM a gynhaliwyd yn Stadiwm Principality.

Roedd dau bwrpas penodol i hyn:

1. Yn gyntaf, coladu deunydd er mwyn profi'r dechnoleg gyda'r bwriad o fesur a lliniaru unrhyw ragfarn a allai fod yn bresennol yn y prosesau/technoleg ac i sicrhau ymhellach bod dyletswydd cydraddoldeb y sector cyhoeddus yn cael ei harfer yn gadarn.
2. Yn ail, i gynorthwyo Plismona wrth adnabod unigolion y mae'r heddlu yn chwilio amdanynt mewn cysylltiad â throseddau blaenoriaethol, i gefnogi gorfodi'r gyfraith gan gynnwys gweinyddu cyfiawnder (drwy arestio unigolion y mae'r heddlu yn chwilio amdanynt ar warant neu sydd yn rhydd yn anghyfreithlon/angen eu dychwelyd i'r carchar), ac i sicrhau a hyrwyddo diogelwch plant ac unigolion sy'n agored i niwed a risg.

Dyma ganlyniadau'r defnydd ar 13 Awst 2022 yng nghanol dinas Caerdydd.

Roedd fan Technoleg Adnabod Wynebau gyda swyddogion i ddangos sut mae'r dechnoleg yn gweithio, y ffordd y caiff ei reoli, a'r canlyniadau.

Os oes gennych unrhyw gwestiynau am y defnydd o Dechnoleg Adnabod Wynebau Byw, ewch i'r dudalen Cwestiynau Cyffredin am ragor o wybodaeth.

Pride Cymru 2022

Ni chafodd Technoleg Adnabod Wynebau Byw ei defnyddio yn Pride Cymru 2022 yng nghanol dinas Caerdydd ar 27 a 28 Awst.

Defnydd blaenorol o Dechnoleg Adnabod Wynebau

Y tro diwethaf i Dechnoleg Adnabod Wynebau Byw ei defnyddio yng nghanol dinas Caerdydd oedd yn ystod gêm rygbi'r chwe gwlad Cymru yn erbyn yr Eidal ar 19 Mawrth 2022. Gweld canlyniadau'r defnydd hwnnw.