Ymweld â ni

Nid yw JavaScript wedi'i alluogi

Heb JavaScript ni fydd ffurflenni'n gweithio.

Tudalennau yn yr adran hon

3. Ymweld â ni

Beth sy'n digwydd – Hanner Tymor yn y Ganolfan Treftadaeth

Ymunwch â ni am ychydig o hanes ymarferol!

O Efynnau Fictoraidd i Chwibanau'r Rhyfel, dewch â'ch darpar blismyn ifanc draw i'n Canolfan Treftadaeth yr hanner tymor hwn.

Ymunwch â'n Tîm Treftadaeth a manteisiwch ar y cyfle unigryw hwn i archwilio a gafael yn arteffactau go iawn o hanes plismona de Cymru, y mae rhai ohonynt yn dyddio'n ôl cannoedd o flynyddoedd i ddechrau ein stori plismona.

Gyda chell Fictoraidd i gadw unrhyw ymwelwyr euog dan glo, gwisgoedd ffansi a llwybr ditectif drwy'r amgueddfa gyfan, mae digonedd i ddiddanu'r teulu yn y Ganolfan Treftadaeth.

Ble i ddod o hyd i ni

Mae ein Canolfan Treftadaeth wedi'i lleoli ar islawr y Pencadlys ym Mhen-y-bont ar Ogwr, ac rydym ar agor drwy'r flwyddyn! Cysylltwch â'n Tîm Treftadaeth yn gynnar i drefnu eich ymweliad ac osgoi cael eich siomi.

Ymweliadau

Dim ond drwy apwyntiad y gellir ymweld â Chanolfan Treftadaeth Heddlu De Cymru, gyda theithiau ar gael o ddydd Llun i ddydd Gwener am 10am a 2pm. Bydd pob ymweliad yn para tua awr a hanner.

Os hoffech drefnu ymweliad â'r Ganolfan Dreftadaeth, anfonwch e-bost aton ni: [email protected].

Unwaith y byddwch wedi cyflwyno eich ffurflen cadw lle byddwch yn cael neges e-bost yn ôl gennym yn cadarnhau'r manylion. Os hoffech drefnu ymweliad dros y ffôn, ffoniwch 01656 761 855 a gadewch neges.

Peidiwch â defnyddio'r rhif hwn i roi gwybod am drosedd – ffoniwch 101 i roi gwybod am drosedd nad yw'n frys neu 999 mewn argyfwng.

Mae mynediad am ddim i'r Ganolfan Treftadaeth. Ni ellir gwarantu y bydd lleoedd parcio i ymwelwyr ar y safle. Gofynnir i ymwelwyr barcio cerbydau o flaen pencadlys yr heddlu yn y maes parcio i ymwelwyr neu oddi ar y safle os na fydd lle ar gael. Rhaid gwneud trefniadau arbennig ymlaen llaw ar gyfer deiliaid bathodyn glas a gofynnir i fysiau barcio oddi ar y safle.

Amseroedd ymweld

Gellir ymweld â ni rhwng 9am a 5pm ar ddydd Mawrth a dydd Iau, a rhwng 11am a 5pm ar ddydd Mercher.

Hygyrchedd

Caiff pob ymwelydd ei hebrwng i'r Ganolfan ac oddi yno yn y ffordd fwyaf diogel posibl. Ar eu ffordd i'r Ganolfan Treftadaeth, bydd ymwelwyr yn mynd drwy fynedfa sydd â ramp a chanllaw. Mae dwy res o risiau yn arwain i lawr i'r Ganolfan Treftadaeth – mae gan y ddwy ohonynt lifftiau grisiau gwastad i ddefnyddwyr cadair olwyn.