Camerâu Fideo a Wisgir ar y Corff

Mae'r camerâu Fideo a Wisgir ar y Corff yn wasanaeth digidol a ddefnyddir gan Heddlu De Cymru er mwyn helpu i ganfod ac atal troseddau a diogelu'r cyhoedd.

Caiff ei ddefnyddio i gofnodi'r holl ddeunydd fideo a allai gael ei ddefnyddio fel tystiolaeth.

Mae'r camerâu Fideo a Wisgir ar y Corff yn cael eu gwisgo gan swyddogion Heddlu De Cymru ar ran uchaf y frest ac yn weladwy i bawb. Mae iddo sgrin sy'n wynebu'r blaen sy'n rhoi persbectif o ddigwyddiad neu leoliad i swyddog wrth adolygu'r deunydd. O'i droi ymlaen mae'r golau yn goch.

Bydd swyddogion yn troi eu camerâu ymlaen ar ddechrau digwyddiad neu gyfarfyddiad, ac mewn amgylchiadau arferol byddant yn dal i recordio oni bai na fydd yn 'gymesur neu'n angenrheidiol' bellach.

Gall y Fideo a Wisgir ar y Corff gael ei ffrydio'n fyw gan roi ymwybyddiaeth o'r sefyllfa mewn amser real er mwyn helpu swyddogion i wneud dewisiadau effeithiol.

Rhaid i bob swyddog ac aelod o'r staff fod wedi cael eu hyfforddi'n llawn cyn defnyddio'r Fideo a Wisgir ar y Corff. Caiff ei ddefnyddio yn unol â'r ddeddfwriaeth berthnasol a'r canllawiau cenedlaethol ac nid oes angen cydsyniad gan y person/pobl sy'n cael ei/eu ffilmio.

Pam fod camerâu Fideo a Wisgir ar y Corff yn cael eu defnyddio?

Mae'r camerâu Fideo a Wisgir ar y Corff yn offeryn a gaiff ei wisgo gan yr heddlu a'i ddefnyddio mewn plismona gweithredol i gasglu tystiolaeth ddigidol ac er mwyn:

• Gwneud y defnydd gorau o dechnoleg Fideo a Wisgir ar y Corff i ganfod ac atal trosedd
• Cynyddu cyfraddau canfod trosedd drwy wella ansawdd y dystiolaeth
• Sicrhau bod camera Fideo a Wisgir ar y Corff yn cael ei ddefnyddio yn unol â'r ddeddfwriaeth berthnasol a chanllawiau cenedlaethol.
• Cynyddu ymddiriedaeth a hyder y cyhoedd yn ein gwasanaeth
• Lleihau ymddangosiadau yn y llys drwy gasglu tystiolaeth yn gynnar ac yn effeithiol
• Gwneud gwell penderfyniadau gweithredol wrth ddelio â digwyddiadau drwy ffrydio byw.

Defnyddio camerâu Fideo a Wisgir ar y Corff

Caiff camerâu Fideo a Wisgir ar y Corff eu defnyddio i recordio'r ardaloedd a'r bobl angenrheidiol i gael tystiolaeth a chudd-wybodaeth sy'n berthnasol i'r digwyddiad yn unig, yn unol â deddfwriaeth Diogelu Data a Hawliau Dynol.

Mae dyfeisiadau Fideo a Wisgir ar y Corff fel arfer bob amser yn cael eu pweru ac wedyn yn cael eu troi ymlaen i recordio gan BOB person sy'n bresennol pan all y deunydd fod o gymorth i 'wneud sylw proffesiynol' neu'n ategu cofnodion llyfr nodiadau poced electronig a/neu ddatganiadau.

Fel arfer mae defnyddiwr camera Fideo a Wisgir ar y Corff yn recordio cyfarfyddiadau llawn o'r dechrau i'r diwedd heb darfu ar y recordiad. NI DDYLAI defnyddiwr recordio dyletswydd neu batrôl cyfan yn ddiwahân. Mae'n rhaid i'r recordiadau fideo fod o ddigwyddiadau penodol (p'un a gaiff y recordiad ei ddefnyddio fel tystiolaeth neu beidio yn y pen draw) Penderfyniad defnyddiwr y camera Fideo a Wisgir ar y Corff yw recordio neu i beidio recordio digwyddiad lle caiff unigolyn ei arestio, oni bai iddo gael ei orchymyn gan bolisi. Dylai defnyddwyr recordio digwyddiadau pryd bynnag y byddent yn defnyddio pŵer yr heddlu.

Dyma rai enghreifftiau o pan gaiff y camera Fideo a Wisgir ar y Corff ei ddefnyddio:

• stopio cerbyd
• mynd i rywle i arestio rhywun
• chwilio eiddo, tir neu gerbyd
• cyflawni achos o stopio a chwilio
• ymateb i ddigwyddiad critigol
• defnyddio grym yn erbyn rhywun neu yn erbyn eiddo rhywun
• mynychu ymateb o gam-drin domestig

Y camerâu Fideo a Wisgir ar y Corff

Caiff y camerâu Fideo a Wisgir ar y Corff ei ddefnyddio gan Heddlu De Cymru, ei gynhyrchu gan Reveal. Dysgwch fwy am y camerâu ar eu gwefan.