Seiberfflachio
Yn yr adran hon:
| 1. Beth yw seiberfflachio |
| 2. Beth gallwch chi ei wneud: riportio'r peth i ni |
| 3. Riportio i gwmnïau cyfryngau cymdeithasol os digwyddodd y peth ar-lein |
| 4. Help a chymorth |
Seiberfflachio yw pan fydd rhywun yn anfon llun atoch chi o organau rhywiol heb eich caniatâd. Weithiau maen nhw’n cael eu galw’n 'pidluniau' neu 'fflachio'. Mae'n anghyfreithlon gwneud hyn.
Efallai y byddan nhw'n gwneud hyn i beri gofid ichi neu i godi embaras. Efallai hefyd eu bod nhw’n gwneud hyn o ran eu pleser rhywiol eu hunain heb boeni sut mae'n gwneud i chithau deimlo.
Does dim ots ydy'r llun yn dangos organau cenhedlu go iawn yr unigolyn, neu wedi'i gynhyrchu gan gyfrifiadur i edrych fel organau cenhedlu rhywun.
Gall seiberfflachio ddigwydd i unrhyw un. nid eich bai chi yw e byth: nid chi sydd ar fai. Mae'n digwydd ar-lein ac all-lein.
Dyma rai enghreifftiau o seiberfflachio:
- anfon llun neu fideo dros wefan cyfryngau cymdeithasol neu ap detio
- anfon llun neu fideo drwy Bluetooth sy'n caniatáu i rywun yn eich ymyl anfon ffeiliau atoch chi
- gosod llun neu fideo rywle i chi ei weld, fel ar eich desg neu ar ffôn rhywun ar drafnidiaeth gyhoeddus
Os bydd rhywun yn dangos ei organau rhywiol yn bersonol yn fwriadol i'ch dychryn neu i beri gofid ichi, yr enw ar hyn yw dinoethiad anweddus. Gallwch riportio hyn i ni hefyd.
Os byddwch chi'n dioddef seiberfflachio, fe allech chi deimlo pryder, ofn, diffyg ymddiriedaeth a fel pe bai rhywun wedi’ch treisio chi. Neu mae’n bosibl na fyddwch chi’n teimlo braw neu ofid o gwbl. Does dim ffordd gywir neu anghywir o deimlo, ac rydyn ni’n deall hynny. Mae help a chymorth ar gael ichi sut bynnag rydych chi'n teimlo.
Rydyn ni bob amser yn cymryd seiberfflachio o ddifrif ac yn deall ei bod yn cymryd dewrder i siarad â ni.
Gall pobl sy'n seiberfflachio fynd ymlaen i gyflawni troseddau mwy difrifol. Gallai’ch adroddiad chi atal hyn rhag digwydd.