Apelio yn erbyn y penderfyniad i anghymhwyso

Sylwch: mae’r wybodaeth hon wedi’i bwriadu ar gyfer unrhyw un a wnaeth gŵyn cyn 1 Chwefror 2020.

 

Mae'n bosibl y gallwch apelio os cafodd y broses o edrych i mewn i'ch cwyn ei hatal cyn iddi gael ei hymchwilio. Pan fydd heddlu’n penderfynu rhoi'r gorau i ddelio â chwyn cyn ymchwilio iddi, yr enw ar hyn yw 'penderfyniad i anghymhwyso'.

 

Gallwch apelio:

• Os nad ydych yn fodlon ar y camau a gymerwyd ar ôl y penderfyniad i anghymhwyso.
• Os ydych yn anfodlon na chymerwyd unrhyw gamau ar ôl y penderfyniad i anghymhwyso
• Os nad ydych yn cytuno â chanlyniad eich cwyn ar ôl y penderfyniad i anghymhwyso
• Os nad ydych yn credu bod canlyniad eich cwyn ar ôl y penderfyniad i anghymhwyso yn ddigonol. Mae hyn yn golygu, er enghraifft, eich bod yn credu nad oedd y canlyniad yn ddigonol ar gyfer natur y gŵyn, neu nad oedd y canlyniad yn adlewyrchu'r dystiolaeth a oedd ar gael.

Chewch chi ddim apelio os yw’ch cwyn yn ymwneud â mater cyfeirio a rheoli (nid yw hyn yn berthnasol os yw’ch cwyn yn ymwneud â chontractwr).

Gwneud apêl

I apelio yn erbyn canlyniad cwyn ar ôl iddi gael ei hatal cyn cael ei hymchwilio, mae angen i chi apelio'n uniongyrchol i’r IOPC (Swyddfa Annibynnol Ymddygiad yr Heddlu).