Gofyn i'r heddlu am wybodaeth am droseddau rhywiol yn erbyn plant
Mae’r Cynllun Datgelu Troseddwyr Rhyw gyda Phlant yn gadael i chi ofyn i’r heddlu yn ffurfiol a oes gan rywun sydd â chysylltiad â phlentyn neu blant:
- hanes am droseddau rhywiol yn erbyn plant
- yn peri risg i’r plentyn neu’r plant am reswm arall
Nid yw’n ddeddf, ond mae’n cael ei galw’n ‘Gyfraith Sarah’ weithiau.
Nid bwriad Cyfraith Sarah yw caniatáu i chi riportio rhywbeth i’r heddlu. Dywedwch wrthym fan hyn am rywbeth rydych wedi'i weld neu ei glywed neu edrychwch sut i riportio achos posib o gam-drin plant fan hyn.
Offeryn cyngor
Rydw i eisiau gwybodaeth am droseddwr rhyw rwyf wedi clywed amdano
Ni allwch ddefnyddio Cyfraith Sarah i gael gwybodaeth am droseddwr rhyw rydych wedi clywed amdano oni bai ei bod yn treulio amser ar ei ben ei hun gyda phlentyn rydych yn ei adnabod.
Mae Cyfraith Sarah yn gadael i chi ofyn i'r heddlu a yw rhywun penodol sy’n treulio amser ar ei ben ei hun gyda phlentyn neu blant yn Droseddwr Rhyw Cofrestredig neu’n risg i’r plentyn neu’r plant.
Os ydych chi eisiau dweud wrthym am rywbeth amheus neu bryderus sy’n ymwneud ag ymddygiad rhywun tuag at blant, gallwch weld sut i riportio achos posibl o gam-drin plant.