Gwarchod Cymdogaeth yw un o’r mentrau atal troseddau mwyaf llwyddiannus a mwyaf o ran maint, erioed.
Mae’n ymwneud â gweithio mewn partneriaeth gyda’ch cymdogion i gadw llygad ar eich gilydd ac eiddo eich gilydd, a reportio unrhyw weithgaredd amheus i’r heddlu.
Mae gan y cynllun Gwarchod Cymdogaeth gefnogaeth lawn Heddlu De Cymru, ac mae wir yn gallu cynorthwyo gyda diogelu eich ardal leol rhag troseddu.
Gall y cynllun:
- leihau troseddau drwy reportio unrhyw beth amheus yn gyflym
- lleihau cyfleoedd i droseddu drwy godi ymwybyddiaeth ynghylch camau syml i’w cymryd
- cynorthwyo a thawelu meddyliau’r bobl sy’n byw yn yr ardal
- annog ymdeimlad o gymdogaeth a chymunedau agosach
Mae ‘Gwarchodaeth’ fel arfer yn digwydd pan fydd aelod o’r gymuned yn gwirfoddoli i fod yn Gydlynydd ar gyfer y stryd, bloc o fflatiau, ystâd, neu ardal gyffredinol. Mae’r Cydlynydd yna’n cofrestru gyda’r Gymdeithas Gwarchod Cymdogaeth, ac yn ymweld â chymdogion i drafod ymuno â’r cynllun.
Fel Cydlynydd, chi fydd yn cysylltu â’r heddlu yn rheolaidd i drafod gwybodaeth newydd, a chi fydd yn gyfrifol am roi’r wybodaeth ddiweddaraf i aelodau’ch Gwarchodaeth.
Bydd unrhyw weithgaredd ychwanegol yn ddewis i chi. Efallai y byddwch am gynnal cyfarfodydd anffurfiol gydag aelodau eraill y Warchodaeth, cyfarfod â Chydlynwyr eraill i rannu gwybodaeth, neu ffurfio grŵp o bob Cydlynydd yn eich ardal a gwahodd cynrychiolydd o’r heddlu er mwyn trafod lles eich cymuned yn y dyfodol.
Fe allech chi neu aelodau eraill y Warchodaeth hefyd fynd i’ch cyfarfod PACT lleol i drafod y wybodaeth ddiweddaraf gyda’ch tîm plismona cymdogaeth.
Am fwy o wybodaeth am y cynllun Gwarchod Cymdogaeth yn eich ardal, ffoniwch eich Cynghorydd Tactegol Lleihau Trosedd.
Caerdydd: Bob Keohane - 029 2052 7432
Abertawe: Tony Pain - 01792 562768
Bro Morgannwg: Dick Collins – 01446 731627
Pen-y-bont ar Ogwr: Deborah Elward - 01656 679558
Castell-nedd / Port Talbot: Mary Williams - 01639 889178
Merthyr Tudful: Stephen Cooke - 01685 724267
Rhondda Cynon Taf: Anthony Pitt - 01685 724266
De Cymru: Rhiannon Williams – 029 20 527447
Llinell Gymorth Minicom i bobl fyddar: 01656 656980
Alternatively, visit: Neighbourhood & Home Watch
www.ourwatch.org.uk
To find out more about your local neighbourhood policing team, visit www.einbobi.com