Er mwyn llwyddo fel gwasanaeth mae angen i ni weithio gyda’n gilydd a gweithio tuag at un weledigaeth. Byddwn yn sicrhau fod pob aelod o Heddlu De Cymru yn cydnabod eu rôl fel arweinydd, a byddwn yn cefnogi unigolion i ddatblygu eu sgiliau yn y maes hwn.
Yn ystod 2011-15 byddwn yn parhau i adolygu eich anghenion a’n hadnoddau i sicrhau ein bod yn parhau i ddarparu gwasanaeth priodol. Byddwn yn gweithio i feithrin ymdeimlad o falchder o fewn ein gweithlu ac o ran darparu gwasanaeth o ansawdd ar eich cyfer. Wrth siarad â chi a gyda'n gilydd, bydd agwedd ein gweithlu yn broffesiynol a chadarnhaol.
Byddwn yn parhau i weithio fel rhan o ‘De Cymru Mwy Diogel’, y grŵp sy’n arwain ar ddiogelwch cymunedol yn ne Cymru, er mwyn rhannu ac arwain gwaith o’r lefel uchaf er mwyn cefnogi a datblygu cymunedau mwy diogel ledled ein hardal.
Bydd ein Prif Gwnstabl a’i Brif Swyddogion yn arwain y gwasanaeth drwy esiampl. Cynhelir cyfarfodydd Prif Swyddogion yn rheolaidd mewn gorsafoedd ledled de Cymru, a bydd y Prif Gwnstabl Peter Vaughan a’i dîm yn cynnal patrolau ac ymweliadau er mwyn cynorthwyo i wella perfformiad ac i gael golwg well ar y gwaith sy’n cael ei wneud gan ein swyddogion Heddlu, Swyddogion Cymorth Cymunedol yr Heddlu a staff eraill yn yr ardal rydych chi'n byw ynddi.