Er ein bod yn gyfrifol am 10% yn unig o ardal ddaearyddol Cymru, mae ardal Heddlu De Cymru yn gartref i 1,225,900 o bobl, sef oddeutu 42% o boblogaeth y wlad.
Mae dwy ddinas ffyniannus Cymru yn ein hardal, sef Caerdydd ac Abertawe; yn ogystal â chymoedd de Cymru, sy’n gyfoethog eu diwylliant; rhanbarthau arfordirol helaeth; atyniadau i dwristiaid megis Penrhyn G
ŵ
yr, Porthcawl a’r Barri; cysylltiadau trafnidiaeth prysur, gan gynnwys yr M4; rheilffyrdd rhwng dinasoedd; Maes Awyr Rhyngwladol Caerdydd; a lleoliadau chwaraeon adnabyddus megis y Stadiwm y Mileniwm yng Nghaerdydd a Stadiwm Liberty yn Abertawe.
Er ei fod yn ardal sy’n enwog am ei synnwyr cryf o hanes, mae de Cymru yn parhau i ehangu o ran busnes, hamdden a thwristiaeth, ac o ganlyniad mae’n rhanbarth sy’n fwy diddorol a heriol i’w blismona.
Rydym yn hynod falch o ddiogelu a gwasanaethu ein cymunedau, a’n gweledigaeth yw bod y gorau am ddeall ac ymateb i anghenion ein cymunedau.
Mae ardal yr Heddlu yn cynnwys 232 cymdogaeth, ac maent wedi’u rhannu’n bedair ardal plismona ranbarthol.
Y pedair ardal yw:
• Rhanbarth Gogleddol (Merthyr a Rhondda Cynon Taf)
• Rhanbarth Dwyreiniol (Caerdydd)
• Rhanbarth Gorllewinol (Castell-nedd Port Talbot ac Abertawe)
• Rhanbarth Canolog (Bro Morgannwg a Phen-y-bont ar Ogwr)
Mae tîm plismona cymdogaeth ym mhob cymdogaeth, sy’n cynnwys swyddogion heddlu, swyddogion cymorth cymunedol yr heddlu a chwnstabliaid gwirfoddol, sy’n gweithio gyda’r gymuned i fynd i’r afael â’r problemau sydd bwysicaf i chi.